Oktyabrın 6-da Xətai rayonunda yerləşən ofislərin birindən oğurlamaqda şübhəli bilinən Kürdəmir rayon sakini, əvvəllər məhkum olunmuş M.Nəbiyev müəyyən edilərək saxlanılıb. Bu haqda Report Daxili İşlər Nazirliyinin (DİN) Mətbuat Xidmətinə istinadən məlumat verib.
Əməliyyat-axtarış tədbirləri Xətai Rayon Polis İdarəsinin 37-ci Polis Şöbəsi əməkdaşları tərəfindən keçirilib. Məlumatda qeyd olunub ki, ofisdən 3280 manat dəyərində noutbuk, modem və 2 ədəd fotoaparat oğurlanıb.
Həmçinin, araşdırma zamanı onun oktyabr ayında paytaxtın Nizami və Suraxanı rayonları ərazisində yerləşən digər kafedən planşet, bir mağazadan 1800 manat pul və 700 manat dəyərində qızıl-zinət əşyaları, digər mağazadan isə pul və planşet oğurlaması da müəyyən edilib.
