Paytaxt ərazisində şübhəli bilinən əcnəbi saxlanılıb. Bu haqda bu gün, 21 may tarixində Bakuplus.az Daxili İşlər Nazirliyinə (DİN) istinadən xəbər verir.
Polis əməkdaşlarının keçirdikləri tədbir nəticəsində dələduzluqda şübhəli bilinən Pakistan vətəndaşı, 31 yaşlı Kamran Şahid saxlanılıb.
Araşdırma zamanı məlum olub ki, o, ölkəyə gələn 3 Hindistan vətəndaşına Amerika Birləşmiş Ştatlarına getməkdə köməklik edəcəyini vəd edərək onların pullarını ələ keçirib.
Hazırda araşdırmalar aparılır. Onun hərəkətlərindən zərər çəkən başqa şəxslər varsa, bu barədə polis orqanlarına məlumat verə bilərlər.
