Noyabrın 12-də Bakının Nərimanov rayonunda 47 yaşlı Kifayət İsayevanın qətlə yetirilməsi faktı ilə bağlı cinayət işi başlanıb. Bu haqda bu gün, 14 noyabr tarixində Report rayon prokurorluğuna istinadən məlumat verir.
Aparılan istintaq hərəkətləri əsasında qətlə yetirilən qadının tanışı, 41 yaşlı Elnur Məhərrəmovun münaqişə zəminində İsayevanı qəsdən qətlə yetirməsini şəxsi münasibətlər zəminində törətməsi və hadisə yerindən qaçması barədə əsaslı şübhələr yaranıb.
Faktla bağlı Nərimanov Rayon Prokurorluğunda Azərbaycan Cinayət Məcəlləsinin “Qəsdən adam öldürmə” maddəsi ilə cinayət işi başlanıb.
Keçirilən əməliyyat-axtarış tədbirləri nəticəsində Məhərrəmovun olduğu yer müəyyən edilib, o, şübhəli şəxs qismində tutularaq istintaqa cəlb edilib. Cinayət işi üzrə istintaq davam etdirilir.
