Bakıda ictimai fəal Haldun Novruzzadənin bibisi hücuma məruz qalıb. Bu haqda Haldun Novruzzadə sosial şəbəkə hesabında bildirib.
Hadisə Sabunçu rayonu, Balaxanı qəsəbəsində baş verib.
BakuPlus-ın əldə etdiyi məlumata əsasən, həmin şəxs əvvəlcə sərbəst buraxılıb. Lakin məsələ ictimailəşəndən sonra zərərçəkən Sabunçu rayon Polis İdarəsinə çağırılıb.
Haldun Novruzzadə bildirib ki, Tofiq İbrahimov zərərçəkən qadının saçını dartıb, boğazından tutub sürümək istəyəndə bibisi cəld tərpənib, qarnından aşağı təpiklə vurub, həmin adam çökəndə isə çanta və yumruqla başına vurub.
Onun sözlərinə görə, insidenti törədən Tofiq İbrahimov adlı şəxs dünən ekspertizaya göndərilmək əvəzinə, bu gün göndərilib.
DİN-in mətbuat xidmətinə istinadən bildirək ki, hazırda əməli törətməkdə şübhəli bilinən şəxs barəsində Cinayət Məcəlləsinin 180.1 (Soyğunçuluq) maddəsi ilə cinayət işi başlanılıb.
Zərərçəkən tərəf isə işə Cinayət Məcəlləsinin 181.1 (Quldurluq) maddəsi ilə baxılmasını və adamın həbs olunmasını tələb edir.
