Bakının Nərimanov rayonunda Rza və Milad adlı iranlı narkotacirlərin şəbəkəsinə daxil olan daha 4 nəfər saxlanılıb. Onlardan 7 kiloqram heroin ələ keçirilib. Bu haqda bu gün, 20 iyun tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Narkotik vasitələrin qanunsuz dövriyyəsinə qarşı əməliyyat zamanı əvvəllər məhkum olunmuş paytaxt sakini Elmar Məmişov saxlanılıb. Onun üzərində axtarış aparılan zaman 5 kiloqrama yaxın narkotik vasitə heroin aşkar edilib.
Daha bir əməliyyat zamanı narkotik satışını təşkil edən dəstə üzvləri - Niyazi Quliyev, Nazim Novruzov və Ziya Zakirov saxlanılıblar. Onlarda 2 kiloqram heroin aşkar olunub.
Saxlanılanların Rza və Milad adlı narkotik alverçilərindən narkotik aldıqları məlum olub. Araşdırmalar davam edir.
[caption id="attachment_104024" align="alignnone" width="640"]
Foto DİN-nin mətbuat xidməti[/caption]
