Bakıda narkotik satmağı planlaşdıranlar saxlanılıblar. Bu haqda bu gün, 29 yanvar tarixində Bakuplus.az Daxili İşlər Nazirliyinə (DİN) istinadən xəbər verir.
Abşeron Rayon Polis İdarəsinin Narkotiklərlə Mübarizə Bölməsinin əməkdaşları tərəfindən Xırdalan şəhəri, Novxanı, Məmmədli və Hökməli qəsəbələrində əməliyyatlar keçirilib.
Keçirilən tədbirlər nəticəsində narkotiklərin qanunsuz dövriyyəsində şübhəli bilinən Əli Babayev, Nərgiz Həsənova, Nadir Məmmədov və Səbir Məmmədov saxlanılıblar.
Onların üzərində, idarə etdikləri avtomobillərdə və yaşadıqları evlərdə ümumilikdə 9 kiloqram marixuana, 4 kiloqram heroin, eləcə də 2 kiloqram metamfetamin və 50 metadon həbi aşkar olunub.
Saxlanılan şəxslər ölkəyə İrandan qaçaqmalçılıq yolu ilə gətirilən narkotikləri Bakı şəhəri ərazisində və Abşeron rayonunda satmaq məqsədilə əldə etdiklərini bildiriblər.
Faktlarla bağlı cinayət işləri başlanılıb, əməliyyat-istintaq tədbirləri davam etdirilir.
[caption id="attachment_127963" align="alignnone" width="640"]
Foto Daxili İşlər Nazirliyi[/caption]
