Bakıda paytaxt yollarında qəza vəziyyəti yaradan və sosial şəbəkələrdə qanun pozuntularını əks etdirən videolar yayan avtoxuliqan tutulub. Bu haqda bu gün, 21 sentyabr tarixində Bakı şəhər Dövlət Yol Polisi İdarəsinə istinadən Caliber.az məlumat verib.
21 yaşlı sürücü Şahin Əliyev idarə etdiyi “Mercedes” markalı (90-FK-572 dövlət nömrə nişanlı) avtomobili ilə paytaxtın Nizami rayonu ərazisində təhlükəli manevrlər edib. Bu səbədən o, yol polisi tərəfindən saxlanılıb.
Sürücü ilə bağlı toplanmış materiallar Nizami Rayon Məhkəməsinə göndərilib. Məhkəmənin verdiyi qərara əsasən, Şahin Əliyev 15 sutka inzibati həbs olunub və bir il müddətinə sürücülük vəsiqəsindən məhrum edilib.
