Bakıda 2 tülkü paytaxt sakininin həyətinə girərək toyuqları öldürüb. Bu haqda BakuPlus.az 1news.az-a istinadən bu gün, 17 oktyabr tarixində xəbər verir.
Sabunçu rayonu, Elşən Mehdiyev küçəsində yaşayan sakinin sözlərinə görə, onun həyətinə tülkülər dadanıb.
Bir müddətdir ki, 2 tülkü onun həyətinə girərək oradakı toyuqlara hücum çəkir. Yaşanan hadisə həyətdə quraşdırılan təhlükəsizlik kameralarına yansıyıb.
Ev sahibi Emin Hacıyev bildirir ki, tülkülər hər dəfə eyni vaxtda, gecə 02:00 radələrində gəlirlər. Hacıyev bir gecə ərzində 6 toyuq öldürən heyvanları qovmağa müvəffəq olub, lakin görünən odur ki, bu son hadisə deyil.
Bununla bağlı müxtəlif qurumlara müraciət etməsinə baxmayaraq, zərərçəkənə heç bir kömək olunmayıb.
