Türkiyə vətəndaşı Bakıda arvadını döyüb. Bu haqda bu gün, 9 aprel tarixində Bakuplus.az Oxu.az-a istinadən xəbər verir.
Türkiyənin Diyarbəkir rayonunda anadan olmuş 39 yaşlı Emre və həyat yoldaşı Süsən (adlar şərtidir) “A-Studio” gözəllik salonunun qarşısında mübahisə ediblər. Sonda Emre arvadını döyüb.
Kişinin sözlərinə görə, o, Süsənin telefonunu almaq istəyib:
“Hadisə vaxtı sərxoş vəziyyətdə olduğuma görə onu vurmuşam. Arvadım ilə barışmağa cəhd etsəm də, alınmayıb. İki övladımız var. Əməlimdən peşmanam”, – deyə o, qeyd edib.
Süsən isə öz növbəsində ifadə verib:
“Yol gedəndə hiss etdim ki, ərim arxamdadır. Ərimin özünü sərxoşluqdan idarə edə bilmədiyi vaxtlar olub deyə öz anama zəng etmək istədim. Bu zaman ərim məni vurdu. Mən də onun yaxasını cırdım. Onunla barışıq istəmirəm”.
Məhkəmənin qərarı ilə Emre barəsində 20 gün müddətinə inzibati qaydada həbs cəzası təyin edilib.
