Ağadadaş Ağayevin iştirakı ilə bağlı daha çox məlumat üzə çıxıb. Bu haqda bu gün, 23 iyul tarixində Bakuplus.az APA-ya istinadən məlumat verir.
Hadisə Ağayevin yaşadığı binanın həyətində, özəl klinika ilə üzbəüz yerləşən ərazidə baş verib. Onkoloji xəstəlikdən əziyyət çəkən müğənni eyvanına çıxaraq, xəstəxananın personalına müraciətlə vəziyyətinin pisləşdiyini, təcili həkim yardımına ehtiyacının olduğunu deyib.
Buna cavab verən mühafizəçi onu klinikaya dəvət edib. Bu zaman Ağayev əlində olan baltanı kişiyə tullayıb. Balta yerə düşəndən sonra ərazidə olan xadimənin ayağına dəyib.
[video width="1280" height="720" mp4="https://bakuplus.az/storage/photos/2024/07/agadadas-agayev-v-t-ndasa-x-sar-t-yetirib.mp4"][/video]
11:37 - Xalq artisti Ağadadaş Ağayevin tanışına balta ilə xəsarət yetirməsi barədə təfərrüat: DİN açıqlama verib - YENİLƏNİB
Ağadadaş Ağayevin mübahisə zamanı tanışına balta ilə xəsarət yetirməsi ilə bağlı yeni təfərrüat məlum olub. Bu haqda məlumatı Daxili İşlər Nazirliyin Mətbuat Xidməti verib.
Hadisə ötən gün səhər saat 07 radalərində olub. Bakı şəhər sakini olan Nurəddin Cəlilov ərizə ilə polisə müraciət edərək, gözətçi işlədiyi özəl tibb müəssisələrindən birində olan zaman paytaxt sakini Ağadadaş Ağayevin xuliqanlıq zəminində onu söyərək təhqir etdiyini, əlindəki balta ilə onu hədələdiyini bildirib.
O, Ağayevin baltanı ona tərəf atan zaman kəsici alətin orada çalışan xanımın - Nəzakət Paşayevanın ayaq nahiyəsinə dəydiyini və ona xəsarət yetirdiyini də qeyd edib.
Faktla bağlı Binəqədi Rayon Polis İdarəsində araşdırma aparılır.
11:05 - Bakıda tanınmış müğənni tanışını baltaladı
Bakının Binəqədi rayonunda məşhur müğənni tanışını baltalayıb. Bu haqda bu gün, 23 iyul tarixində Bakuplus.az Oxu.az-a istinadən məlumat verir.
Xalq artisti Ağadadaş Ağayev aralarında yaranmış mübahisə zamanı tanışına balta ilə zərbələr endirib. Yaralanan şəxsin vəziyyəti ağır qiymətləndirilir.
