Ölkə ərazisində qanunsuz odlu silah-sursat saxlayan və satışını təşkil edən şəxslər saxlanılıblar. Bu haqda bu gün, 27 fevral tarixində Bakuplus.az Daxili İşlər Nazirliyinə (DİN) istinadən xəbər verir.
Polis əməkdaşlarının keçirdikləri tədbirlər nəticəsində ümumilikdə 19 silahlı şəxs saxlanılıb. Onlardan 18 odlu silah – 6 “Makarov” və Avropa istehsalı olan tapança, həmçinin 7 “Kalaşnikov” avtomatı, “PM-98” pulemyotu, 4 ədəd lüləsi və qundağı kəsilmiş ov tüfəngi, eləcə də 243 ədəd müxtəlif çaplı patron aşkarlanaraq götürülüb.
Əlavə olaraq, saxlanılan şəxslərdən 2 kiloqrama yaxın marixuana tapılıb.
Faktlarla bağlı cinayət işləri başlanıb. Saxlanılan 19 nəfərin hər biri barəsində həbs qətimkan tədbiri seçilib, araşdırmalar davam etdirilir.
