Bakıda velosiped oğurlamaqda şübhəli bilinən şəxslər tutulublar. Bu haqda bu gün, 22 iyul tarixində Bakuplus.az Daxili İşlər Nazirliyinin (DİN) Mətbuat Xidmətinə istinadən məlumat verir.
Nəsimi RPİ 20-ci Polis Şöbəsi əməkdaşlarının keçirdikləri tədbirlər nəticəsində iyulun 17-nə keçən gecə bir nəfərin velosipedini oğurlamaqda şübhəli bilinən, əvvəllər məhkum olunmuş və oğurluğa görə də axtarışda olan İslam Babayev saxlanılıb.
Oxşar əməliyyat Səbail rayonunda baş verib. Səbail RPİ 9-cu Polis Bölməsi əməkdaşlarının keçirdikləri tədbirlərlə rayon ərazisində bir nəfərin velosipedinin üzərindəki çantanı, bir nəfərin isə velosipedini oğurlamaqda şübhəli bilinən Tunar Mikayılov saxlanılıb.
Araşdırma zamanı onun müxtəlif vaxtlarda Nəsimi rayonu ərazisində ayrı-ayrı ünvanlardan daha 3 velosiped oğurlaması da müəyyən edilib.
Faktlarla bağlı araşdırmalar aparılır.