Bakı şəhəri, Qaradağ rayonu, Qobustan qəsəbəsi ərazisində, Bakı-Qazax avtomobil yolunun 56-cı kilometrində yol-nəqliyyat hadisəsi baş verib. Nəticədə bir nəfər avtomobildə sıxılı vəziyyətdə qalıb. Bu haqda bu gün, 13 aprel tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
“Mercedes-Benz Atego” markalı yük avtomobilinin sürücüsü idarəetməni itirərək yol kənarında dayanmış “KamAZ” markalalı yük avtomobilinə, daha sonra isə dəmir arakəsmələrə çarpıllb. “Mersedes-Benz Atego” markalı avtomobildə olan sərnişin sıxılmış vəziyyətdə qalıb.
Hadisə yerinə FHN-in xilasediciləri cəlb olunublar. Sərnişin xilas olunub. O, müxtəlif bədən xəsarətləri ilə xəstəxanaya çatdırılıb. Fakt araşdırılır.
[caption id="attachment_97050" align="alignnone" width="640"]
Foto FHN[/caption]
