Polis Nəsimi və Binəqədi rayonlarında oğurluqda şübhəli bilinən 4 nəfəri saxlayıb
Daxili İşlər Nazirliyindən Bakuplus.az-a verilən məlumata görə, polisə müraciət edən şəxs 20 Yanvar küçəsindən 1500 manat dəyərində mopedinin oğurlandığını bildirib.
Polis əməkdaşlarının keçirdikləri tədbirlərlə oğurluq əməlində şübhəli bilinən iki yeniyetmə müəyyən olunaraq saxlanılıb.
20-ci Polis Şöbəsi əməkdaşlarının keçirdikləri tədbirlərlə isə rayon ərazisində yerləşən mağazada bir nəfərin 250 manat pulunu və mobil telefonunu oğurlamaqda şübhəli bilinən, əvvəllər oğurluq və narkotik cinayətlərinə görə məhkum olunmuş 51 yaşlı R.Rəhimov saxlanılıb.
Binəqədi rayonu ərazisində isə iaşə obyektlərinin birində 2 nəfərin ümumilikdə 1200 manatını oğurlamaqda şübhəli bilinən 22 yaşlı İ.Şabanlı Binəqədi RPİ 43-cü Polis Bölməsinin əməkdaşları tərəfindən müəyyən olunaraq saxlanılıb.
Faktlarla bağlı araşdırmalar aparılır.
