Bakının Binəqədi rayonunda bıçaqlanma hadisəsi baş verib. Bu haqda bu gün, 26 iyul tarixində Bakuplus.az APA-ya istinadən xəbər verir.
Hadisə Biləcəri qəsəbəsində ötən gün axşam saatlarında qeydə alınıb. 34 yaşlı Pərviz Alışov və 25 yaşlı Elcan Mirzəyev yaşadıqları evin yaxınlığında yerləşən kafenin qarşısında tanımadıqları şəxs tərəfindən aralarında yaranmış mübahisə zamanı bıçaqlanıblar.
Polis əməkdaşlarının keçirdikləri tədbirlər nəticəsində hadisəni törədən 22 yaşlı P. İmanov saxlanılaraq istintaqa təqdim edilib.
Araşdırmalar davam edir.
