Bakının Binəqədi rayonu, Biləcəri qəsəbəsi, Xudadat Məlikaslanov küçəsi, döngə 6 ünvanında sakinlər yollardan şikəyətçidirlər. Bu haqda bu gün, 5 fevral tarixində Bakuplus.az Oxu.az-a istinadən xəbər verir.
Yerlilərin iddialarına görə, sözügedən ərazidə yollar keçilməz hala düşüb. Burada nə asfalt örtüyü, nə də yol kənarında işıq dirəkləri var.
“Əraziyə baxan yoxdur. Dəfələrlə şikayət etmişik, sakinlər arasında imza toplayıb məktub yazmışıq, amma aidiyyəti qurumlardan şikayətimizə baxan olmayıb”, – deyə sakinlər şikayət edirlər.
Rayon İcra Hakimiyyətindən məsələ ilə bağlı bildirilib ki, yolların təmir işləri plana uyğun olaraq, mərhələli şəkildə həyata keçiriləcək.
