Bakının Binəqədi rayonu, Adil Məmmədov küçəsində yerləşən doqquzmərtəbəli binada 15 sentyabr, axşam saatlarında yanğın baş verib. Bu haqda bu gün, 16 sentyabr tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Yaşayış binasının səkkizinci mərtəbəsində ümumi sahəsi 60 kv.m olan 2 otaqlı mənzilin mətbəxinin yanar konstruksiyaları 10 kv.m sahədə, 1 otağında 1 ədəd yastıq və dəhlizdə 1 ədəd döşək yanıb, yüksək temperaturdan dəhlizin lambirdən ibarət tavanı 6 kv.m sahədə əriyib.
Yanğın FHN-in əməkdaşları tərəfindən söndürülüb. Xəsarət alan olmayıb.
