Bakının Bİnəqədi rayonunda oğurluqda şübhəli bilinən şəxs saxlanılıb. Bu haqda bu gün, 16 avqust tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, Çiçək qəsəbəsi ərazisində “Hyundai” markalı yük avtomobilindən 1800 manat dəyərində yükləyici qurğunun radiatoru oğurlanıb.
Polis əməkdaşları keçirdikləri tədbirlər nəticəsində, əməli törətməkdə şübhəli bilinən T.Gülməmmədov və əvvəllər dəfələrlə məhkum olunmuş O.Abuşov saxlanılıb.
Araşdırma zamanı O.Abuşov Cinayət Məcəlləsinin “Oğurluq” maddəsi ilə axtarışda olması müəyyən edilib, həmçinin şəxsi axtarış zamanı ondan metamfetamin aşkar olunaraq götürülüb.
Araşdırmalar davam edir.
