Binəqədi rayonunda küçədə qeyri-etik sözlər işlədənlərə irad tutan sakin bıçaqlanıb. Bu haqda 30 sentyabr tarixində APA məlumat verib.
Biləcəri qəsəbəsində 37 yaşlı Elçin Məmiyev yaşadığı evin yerləşdiyi küçədə naməlum şəxslərə işlətdikləri qeyri-etik ifadəyə görə irad tutub.
Onun iradından əsəbiləşən naməlum şəxslərdən biri Məmiyevə bir neçə bıçaq zərbəsi vuraraq ərazidən uzaqlaşıb. Yaralı Kliniki Tibbi Mərkəzə yerləşdirilib.
Hadisəni törətməkdə şübhəli bilinən şəxs və ya şəxslərin axtarışı aparılır.
