Binəqədi rayonunda narkokuryerliklə məşğul olanlar tutulublar. Bu haqda bu gün, 23 avqust tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı 3 nəfər narkokuryerlik üstündə saxlanılıb. Onlar vasitələri Kənan adlı şəxsdən aldıqlarını bildiriblər. Bir müddət sonra həmin şəxs də tutulub. Onun yaşadığı evdən 20 kiloqram heroin, 2 kiloqram metamfetamin və 127 ədəd həb aşkar edilib. Narkotacir maddələri “İnstagram” sosial şəbəkəsi vasitəsilə İran vətəndaşından aldığını vurğulayıb.
Keçirilən digər əməliyyat zamanı daha 1 nəfər tutulub. Onun üzərindən isə 4 kiloqram heroin tapılıb.
Aşkar olunan faktlarla bağlı araşdırmalar davam edir.
