Yayılan məlumata əsasən, özünü 2-ci mərtəbədən atan şagird dərsdən qaçmaq istəyirmiş. O, sanitar qovşağın pəncərəsindən tullanan zaman xəsarət alıb.
Hadisə yerinə dərhal Təcili Tibbi Yardım briqadası cəlb olunub, hüquq-mühafizə orqanlarına məlumat verilib.
TƏBİB-dən verilən məlumata görə, 16 yaşlı qız bel fəqərəsində yerdəyişməyən sınıq xətti diaqnozu ilə hospitalizasiya olunub. Müayinələrdən sonra o, ambulator müalicə üçün evə buraxılıb.
11:09 - Binəqədidə şagird qız məktəbdə özünü pəncərədən atıb
Binəqədi rayonunda şagird özünü dərs zamanı atıb. Bu haqda bu gün, 14 mart tarixində Bakuplus.az sosial şəbəkələrə istinadən xəbər verir.
Hadisə 135 nömrəli tam orta məktəbdə baş verib. Qız uşağı dərs zamanı özünü məktəbin 2-ci mərtəbəsindən yerə atıb. O, müxtəlif bədən xəsarətləri alıb.
Onun hansı səbəbdən bu addımı atması hələlik məlum deyil.
