Bakının Binəqədi rayonunda Binəqədi RPİ 7-ci Polis Bölməsi əməkdaşlarının keçirdikləri əməliyyat tədbiri nəticəsində külli miqdarda marixuana aşkar olunaraq götürülüb. Bu haqda bu gün, 21 noyabr tarixində Daxili İşlər Nazirliyinin (DİN) mətbuat xidmətinə istinadən Bakuplus.az məlumat verir.
M.Ə.Rəsulzadə qəsəbəsinin sakini, əvvəllər məhkum olunmuş Rüstəm Rüstəmov saxlanılıb. Axtarış zamanı onun üzərində 3 qram marixuana aşkar olunub.
Daha sonra onun evinə baxış zamanı oradan 1 kiloqram 730 qram marixuana və 44 ədəd çətənə kolu aşkar edilərək götürülüb. Faktla bağlı araşdırma aparılır.
