Binəqədidəki mebel sexində baş vermiş partlayış və yanğın nəticəsində ölənlərin sayı 6-ya çatıb.
17:08 - Binəqədidə sexdə yanğın nəticəsində ölənlərin sayı 5-ə çatıb – YENİLƏNİB - 5
Binəqədidəki mebel sexində baş vermiş partlayış və yanğın nəticəsində ölənlərin sayı 5-ə çatıb.
Yanğın FHN əməkdaşları tərəfindən tam söndürülüb.
13:58 - Binəqədidə yanğın məhdudlaşdırılıb – YENİLƏNİB - 4
Binəqədidəki mebel sexində baş vermiş yanğın məhdudlaşdırılıb. Hazırda yanğının tam söndürülməsi və hadisənin nəticələrinin aradan qaldırılması istiqamətində tədbirlər davam etdirilir.
13:39 - Binəqədidə partlayış: hadisə yerinə Fövqəladə hallar naziri gəlib – YENİLƏNİB - 3
Fövqəladə hallar naziri Kəmaləddin Heydərov və Fövqəladə hallar nazirinin müavini Etibar Mirzəyev Bakının Binəqədi rayonunda sexdə partlayış-yanğın baş verən əraziyə gəliblər.
13:33 - Binəqədidə baş vermiş partlayış zamanı iki nəfər ölüb – VİDEO – YENİLƏNİB - 2
Binəqədidə baş vermiş partlayış və yanğın nəticəsində iki nəfər ölüb, xeyli sayda xəsarət alanlar var. Bu haqda Bakuplus.az APA-ya istinadən məlumat verir.
Rəsmi qurumlardan bildirilir ki, hadisə yerinə 15 təcili yardım briqadası cəlb olunub. Ərazidə Baş prokurorun müavini Elmar Camalov və Baş Prokurorluğun Kriminalistika və informasiya texnologiyaları idarəsinin əməkdaşları işləyirlər.
12:29 - Binəqədidə partlayış olub – YENİLƏNİB
Yanğınla əlaqədar polis əməkdaşları əraziyə cəlb edilib. DİN-in mətbuat xidmətindən bildirilib ki, ərazi mühafizəyə götürülməklə təhlükəsizlik tədbirləri görülür.
[video width="848" height="480" mp4="https://bakuplus.az/storage/photos/2024/01/video-whatsapp-2024-01-15-v-12.25.34_2e27db0a.mp4"][/video]
[caption id="attachment_126293" align="alignnone" width="636"]
Foto Daxili İşlər Nazirliyi[/caption]
12:16 - Binəqədidə partlayış olub
Bakı şəhəri, Binəqədi rayonu, S.S.Axundov küçəsindəki sexdə partlayış olub. Bu haqda bu gün, 15 yanvar tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə yerinə FHN-in əməkdaşları cəlb olunublar.
Sosial şəbəkələrdə yayılan məlumata görə, partlayış “Çinarlı park” yaşayış kompleksinin yaxınlığında olan mebel sexində baş verib.
Xəbər yenilənəcək.
[video width="480" height="272" mp4="https://bakuplus.az/storage/photos/2024/01/img_0396.mp4"][/video]
