Bakıda evi qarət edən şəxs saxlanılıb. Bu haqda 10 oktyabr tarixində Bakuplus.az Daxili İşlər Nazirliyinə istinadən məlumat verir.
Binəqədi rayonu, M.Ə.Rəsulzadə qəsəbəsindəki evlərin birindən 1000 manat dəyərində qol saatı və içərisində 2000 manat dəyərində qızıl-zinət əşyaları olan seyf oğurlanıb. Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Abşeron rayon sakini, əvvəllər də oğurluğa görə məhkum olunmuş Eldəniz Muradov saxlanılıb.
Faktla bağlı araşdırma aparılır.
