Binəqədi rayonunda evlərdən birini talayan şəxs tutulub. Bu haqda bu gün, 24 may tarixində Bakuplus.az Daxili İşlər Nazirliyinə istinadən xəbər verir.
Əvvəllər məhkum olunmuş Coşqun Həsənov adıçəkilən rayon ərazisində mənzilə daxil olaraq, ümumi dəyəri 54.000 AZN olan qızıl-zinət, qol saatları və digər qiymətli əşyaları oğurlayıb. O, şəxsiyyətini gizlətmək üçün çətir, maska və papaqlardan istifadə edib.
Faktla bağlı cinayət işi başlanılıb. Araşdırmalar davam edir.
C.Həsənovun qanunsuz əməllərindən zərər çəkən başqa şəxslər varsa, bu barədə polisə müraciət edə bilərlər.
