Ötən gecə paytaxtın Binəqədi rayonu, Zəngəzur küçəsində transformator yanıb. Bu haqda bu gün, 5 avqust tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə yerinə cəlb olunan yanğınsöndürənlər alışmanı aradan qaldırıblar, ətrafdakı evlər yanğından mühafizə olunub.
Baku.ws-dən əldə olunan məlumata görə, alışma həftə ərzində ikinci dəfə baş verib. Keçən yanğından sonra müvəqqəti təmir olunsa da, transformatorda yenə yanğınla nəticələnən partlayış baş verib. Videogörüntülərdə aydır görünür ki, ərazidə çox sayda naqillər və qaz borusu da mövcuddur.
