Bakının Binəqədi rayonunda üç ərazidə yanğın hadisəsi qeydə alınıb. Bu haqda bu gün, 14 avqust tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Adıçəkilən rayonda transformator alışıb. Nəticədə onun yanar hissələri kül olub. Ətraf infrastruktura ziyan dəyməyib.
Digər yanğın beşmərtəbəli yaşayış binasında baş verib. Binanın 5-ci girişində 1-ci mərtəbənin pilləkən qəfəsində quraşdırılan 9 elektrik açarı və giriş-çıxış kabelləri, 6-cı girişində, 2-ci mərtəbənin pilləkən qəfəsində quraşdırılan 3 elektrik açarı yanıb.
Daha bir hadisə elektrik yarımstansiyasında olub. Ümumi sahəsi 24 kv.m olan 2 otaqdan ibarət yarımstansiyanın 1 otağında quraşdırılan paylayıcı qurğu yanıb. Transformator yanğından mühafizə olunub.
Hər üç hadisə yerinə FHN-in əməkdaşları cəlb olunublar, yanğınlar söndürülüb. Ətrafdaki ərazilərə ziyan dəyməyib.
Hadisələr zamanı xəsarət alan olmayıb.
