Baş Mütəşəkkil Cinayətkarlıqla Mübarizə İdarəsi Bakı ərazisində əməliyyat keçirib, saxlanılanlar var. Bu haqda 12 yanvar tarixində Daxili İslər Nazirliyi xəbər verib.
Əməliyyat zamanı Mübarizə İdarəsinin əməkdaşları tərəfindən paytaxt sakini Elvin Mərdanov saxlanılıb. Onun Buzovna qəsəbəsindəki evinə baxış zamanı 1 ədəd “AKS-74” markalı avtomat, 1 ədəd pulemyot patron darağı, 233 ədəd müxtəlif çaplı patron, 1 ədəd “F-1”, eləcə də 1 ədəd “RQD-5” qumbaraları və partlayıcı tapılıb.
Faktla bağlı Cinayət Məcəlləsinin müvafiq maddələri ilə cinayət işi başlanılıb. Elvin Mərdanov barəsində həbs qətimkan tədbiri seçilib.
