Bakının Xəzər rayonu, Buzovna qəsəbəsi ərazisində açıq sahədə yanğın başlayıb. Bu haqda bu gün, 28 sentyabr tarixində Fövqəladə Hallar Nazirliyinin (FHN) mətbuat xidməti məlumat verib.
FHN-in Böhran Vəziyyətlərində İdarəetmə Mərkəzinə daxil olan məlumata əsasında yanğından mühafizə bölmələri çağırış üzrə cəlb olunub.
İlkin məlumata görə, təqribən 1 ha sahədə quru ot və məişət tullantıları yanır. Hazırda yanğınsöndürmə işləri davam etdirilir.
Əlavə məlumat veriləcək.
Daha öncə, 27 sentyabr tarixində Buzovna qəsəbəsində 1 hektara yaxın sahədə məişət tullantıları yanıb. Hadisə yerinə FHN-in əməkdaşları cəlb olunublar. Ətraf ərazilər alovdan mühafizə olunub. 27 sentyabr saat 19:00 radələrində başlayan yanğn təqribən 7 saatdan sonra söndürülüb.
Hazırda yanğının eyni ərazidə olub-olmadığı məlum deyil.
Yanğın FHN əməkdaşları tərəfindən söndürülüb.
