Gömrük Komitəsinin zabiti və tələbənin yol qəzasında ölümü ilə bağlı cinayət işi başlanılıb. Bu haqda 24 sentyabr tarixində Report məlumat verib.
Dövlət Gömrük Komitəsi yanında “Azərterminalkompleks” Birliyinin zabiti və Dövlət Gömrük Akademiyasının tələbəsinin yol qəzasında ölümləri ilə bağlı cinayət işi başlanılıb.
Hadisə sentyabrın 23-ü saat 14:30 radələrində paytaxtın Sabunçu rayonunda, "Azərterminalkompleks" Birliyinin qarşısında qeydə alınıb.
Zabrat-Maştağa yolunda Firdovsi Eyvazov idarə etdiyi "KamAZ" markalı yük avtomobili ilə hərəkətdə olan zaman yolu keçmək istəyən Dövlət Gömrük Akademiyasının işçisi, Ağdaş rayon sakini, 47 yaşlı Ə.Mikayılovanı və Dövlət Gömrük Akademiyasının II kurs tələbəsi olan Bakı sakini, 18 yaşlı Elvin Əzizlini vurub. Hər iki şəxs aldığı xəsarətlər nəticəsində hadisə yerində vəfat edib.
Faktla bağlı CM-in “Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda” maddəsi ilə cinayət işi başlanılıb, istintaq aparılır.
