Yasamal rayonunda yol-nəqliyyat hadisəsi zamanı bir nəfər ölüb. Bu haqda BakuPlus.az Apa-ya istinadən bu gün, 27 sentyabr tarixində xəbər verir.
Abbas Mirzə Şərifzadə küçəsində görmə qüsurlu 37 yaşlı Natiq Əliyev 25 yaşlı Həsən Ələkbərovun köməkliyi ilə yolun piyadalar üçün müəyyən edilməyən hissəsindən keçərkən onların hər ikisini “Nissan” markalı avtomobil vurub.
Görmə qüsurlu N.Əliyev hadisə yerindəcə ölüb. H.Ələkbərov isə Kliniki Tibbi Mərkəzə çatdırılıb. Qəzanın təsirindən affekt vəziyyətinə düşən sürücü də xəstəxanaya yerləşdirilib.
Hadisə yerinə Yasamal Rayon Polis İdarəsinin əməkdaşları cəlb ediliblər.
[caption id="attachment_71570" align="alignnone" width="640"]
Foto Apa.az saytı[/caption]
