Bakının Sabunçu rayonu, Kürdəxanı qəsəbəsində ölümlə nəticələnən zəncirvari qəzanın detalları bəlli olub. Bu haqda bu gün, 12 oktyabr tarixində Bakuplus.az Qafqazinfo-ya istinadən məlumat verir.
Bakı Şəhər Dövlət Yol Polisi İdarəsinin baş inspektoru Araz Əsgərlinin sözlərinə görə, ilkin araşdırmalar zamanı məlum olub ki, qəzanı törədən 23 yaşlı İlkanə Əhmədova sərxoş vəziyyətdə olmadığı müəyyən olunub.
Hadisə 10 oktyabr, saat 17:20-də Kürdəxanı şosesi, Əjdər Məlikov küçəsində, “Nail Market”in qarşısında baş verib. “Chevrolet” markalı avtomobili idarə edən qadın sükana nəzarəti itirib. Nəticədə o, yolun kənarında dayanan "Mitsubishi" markalı avtomobilə çarpılıb. Zərbə gücündən “Mitsubishi” hərəkətdə olan “Audi” markalı avtomobillə toqquşub.
Qəza nəticəsində “Mitsubishi”nin sürücüsü, 38 yaşlı Fəxri Ümüdov hadisə yerində keçinib. Faktla bağlı araşdırma aparılır.
[caption id="attachment_74299" align="alignnone" width="640"]
Foto açıq mənbədən[/caption]
