Sabiq prokuror Rüfət Səfərova küçədə hücum olub. Bu haqda o, öz Facebook səhifəsində bu gün, 16 mart tarixində paylaşım edib.
Səfərov bildirib ki, küçədə avtomobilinə əyləşərkən tanımadığı bir nəfər ona başla zərbə vurub. Hadisə ilə bağlı o, polisə müraciət edib. Ərazidə olan müşahidə kameraları vasitəsilə əməli törədən şəxs müəyyən edilib.
Bir müddət sonra hücum edən şəxs, 62 yaşlı Məmmədxan Nəcəfov Binəqədi RPİ əməkdaşları tərəfindən saxlanılıb.
