Bakının Binəqədi rayonunda avtoyuma məntəqəsində işləyərkən avtomobildən pul oğurlayan şəxsə hökm oxunub. Bu haqda bu gün, 16 yanvar tarixində Qaynarinfo məlumat verib.
Yasamal rayon Məhkəməsinin qərarı ilə 39 yaşlı Fəzail Quliyev 2 il 6 ay müddətinə azadlıqdan məhrum edilib.
Quliyev “moyka”da olan BMW avtomobilinin salonunu təmizləyən zaman orada 65.338 manat olan pul kisəsindən 2700 dollar və 3200 manat götürüb, qalan vəsaiti yerində saxlayıb.
Həmin pulları o, 3-cü mikrorayonda yerləşən restoranda və “Vulkan” hotelində yeməyə, spirtli içkilərə və intim xidmətlərə xərcləyib.
İki gündən sonra avtoyumaya gələrək o, polis əməkdaşları tərəfindən saxlanılıb.
“BMW”-nin sahibi bildirib ki, MİDA Yaşayış Kompleksindəki mənzilini 12 sentyabr 2022-ci il tarixində 65.338 manata satıb. Həmin pulu ilə "moyka”ya gedib və nəticədə sözügedən hadisə baş verib.
