Lerikdə 11 Bakı sakini qidadan zəhərlənib. Bu haqda bu gün, 27 mart tarixində Bakuplus.az APA-ya istinadən xəbər verir.
Lerikdəki istirahət mərkəzlərinə gedən, 3 ailənin üzvləri olan 6-sı azyaşlı olmaqla ümumilikdə 11 nəfər qidadan zəhərlərnib. Onlar Lənkəran rayon Mərkəzi Xəstəxanasına çatdırılıblar.
32 yaşlı Nihat Xəlilzadə, 33 yaşlı Firuzə Xəlilzadə, 6 yaşlı Elman Xəlilzadə, 10 yaşlı Mədinə Xəlilzadə, 31 yaşlı Arzu Hənifəyeva, 34 yaşlı Səbinə Hənifəyeva, 4 yaşlı Milay Hənifəyeva, 8 yaşlı Elnur Hənifəyev, 37 yaşlı Cavid Hənifəyev, 12 yaşlı Könül Cənnətalıyeva və 6 yaşlı Yusif Cənnətalıyevə ilkin tibbi xidmətlər göstərilib və onlar ambulator müalicə üçün evə buraxılıblar.
Azərbaycan Qida Təhlükəsizliyi Agentliyi (AQTA) tərəfindən araşdırmalar aparılıb. Nəticədə məlum olub ki, qəbul edilən qidalar zərərçəkənlər tərəfindən hazırlanıb və saxlama şəraiti, eləcə də temperatur rejiminə əməl olunmayıb.
Araşdırmalar davam edir.
