Ölkəyə narkotik gətirən dəstə üzvləri tutulublar. Bu haqda bu gün, 21 iyun tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı narkotiklərin qanunsuz dövriyyəsini təşkil edən Tələt Muradov, Şahlar Qasımov və Famil Əliyev saxlanılıblar. Onların üzərində, ev və avtomobillərində 60 kiloqram psixotrop maddələrlə zənginləşdirilən marixuana, heroin, metamtefamin, 8780 ədəd metadon həbi aşkarlanıb.
Saxlanılanlar narkotikləri Sübhan və Razi adlı İran vətəndaşlarından aldıqlarını, Sumqayıt şəhərində dəniz kənarından əldə etdiklərini və Bakı şəhəri ərazisində ayrı-ayrı ünvanlara yerləşdirməli olduqlarını bildiriblər.
Hər 3 şəxs barəsində araşdırmalar davam edir.
