Bakının Qaradağ rayonu, Müşfiqabad qəsəbəsində ağacəkmə aksiyası baş tutub. Bu haqda bu gün, 22 may tarixində Bakuplus.az Ekologiya və Təbii Sərvətlər Nazirliyinə (ETSN) istinadən məlumat verir.
“Yaşıl dünya naminə həmrəylik ili” çərçivəsində adıçəkilən qəsəbədə 1 hektar ərazidə torpaq-iqlim şəraitinə uyğun 100-dən çox zeytun və şam ağacları əkilib.
Aksiya Ekologiya və Təbii Sərvətlər Nazirliyi və Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin birgə təşkilatçılığı ilə keçirilib.
