Sabunçu rayonu, Maştağa qəsəbəsi ərazisində qəzada dünyasını dəyişən Dövlət Gömrük Komitəsinin Akademiyası tələbəsinin atasının məmur olduğu məlum olub. Bu haqda bu gün, 28 sentyabr tarixində Qafqazinfo məlumat verib.
Verilən məlumata əsasən, 2-ci kurs tələbəsinin atası Şahin Əzizov Əmək və Əhalinin Sosial Müdafiəsi Nazirliyinin Dövlət Əmək Müfəttişliyinin Mil-Muğan Regional şöbəsinin rəisidir.
Hadisə sentyabrın 23-də baş verib. Zabrat-Maştağa yolunda Firdovsi Eyvazov idarə etdiyi "KamAZ" markalı yük avtomobili ilə hərəkətdə olan zaman yolu keçmək istəyən Dövlət Gömrük Akademiyasının işçisi, Ağdaş rayon sakini, 47 yaşlı Ə.Mikayılovanı və Dövlət Gömrük Akademiyasının II kurs tələbəsi olan Bakı sakini, 18 yaşlı Elvin Əzizlini vurub. Hər iki şəxs aldığı xəsarətlər nəticəsində hadisə yerində vəfat edib. Faktla bağlı araşdırma aparılır.
[caption id="attachment_71784" align="alignnone" width="640"]
Foto açıq mənbədən[/caption]
