Metronun “28 May” stansiyasında baş vermiş hadisə ilə bağlı araşdırma aparılır. Bu haqda bu gün, 3 iyun tarixində Bakuplus.az Baş Prokurorluğa istinadən xəbər verir.
Bildirilir ki, 68 yaşlı Şərafəddin Abdullayevin qatar yoluna yıxılaraq ölməsi barədə Nəsimi rayon Prokurorluğunda araşdırma aparılır.
Hadisə ötən gün günorta saatlarında baş verib. Yaşlı kişi qatar yoluna yıxılıb. Daha sonra qatar onun üzərindən keçib. Mərhum Fövqəladə Hallar Nazirliyinin sabiq əməkdaşı olub.
