Bakı metrosunda ölüm hadisəsi baş verib. Bu haqda 22 fevral tarixində Oxu.az məlumat verib.
“İnşaatçılar” stansiyasında elektrik mexanik işləyən 63 yaşlı Məlikəli Əliyev iş otağında yıxılıb. O, başından xəsarət alıb və dərhal elektrik xəstəxanaya yerləşdirilib. Lakin onun həyatını xilas etmək mümkün olmayıb.
Faktla bağlı araşdırma davam edir.
Yenilənib - 15:40
"Bakı Metropoliteni" QSC "İnşaatçılar" stansiyasında əməkdaşının ölümü ilə bağlı yayılan məlumatlara münasibət bildirib. Bu haqda 22 fevral tarixində qurumun mətbuat xidmətinin rəhbəri Bəxtiyar Məmmədov Oxu.az-a açıqlama verib.
Bəxtiyar Məmmədov bildirib ki, iş başında yıxılıb zədə alaraq dünyasını dəyişməsi ilə bağlı iddiaların heç bir əsası yoxdur.
Fevralın 18-də "Bakı Metropoliteni"nin elektrik təchizatı xidmətinin elektrik stansiyaları yarımstansiyasının 5-ci sahəsinin elektrik-mexaniki 63 yaşlı Məlikəli Əliyev iş prosesində özünü pis hiss edib, lakin iş gününün sonuna qədər öz funksiyalarını yerinə yetirib.
Əliyev işdən sonra evə gedib və axşam yenə özünü pis hiss edib. təcili yardım çağırıb. O, təcili yardımın köməkliyi ilə xəstəxanaya yerləşdirilib, amma həkimlərin səyinə baxmayaraq 21 fevral saat 20:00-21:00 radələrində xəstəxanada insult nəticəsində dünyasını dəyişib.
