Bakıda tanınmış tikinti şirkətində qayda pozuntusu aşkarlanıb. Bu haqda 18 yanvar tarixində Fövqəladə Hallar Nazirliyi məlumat verib.
Nərimanov rayonu, Mayakovski küçəsində “Luxe Home” MTK tərəfindən aparılan tikinti işləri zamanı nöqsanlar aşkar olunub. Məlum olub ki, tikintidə kranın istismarı zamanı müvafiq təhlükəsizlik qaydalarının pozulmasına, o cümlədən kranın qolunun ətrafdakı evlərin üzəri ilə hərəkət etməsinə yol verilir. Bu isə insan həyatı və sağlamlığı, habelə ətrafdakı tikililər üçün real təhlükə yaradır.
Dağ-mədən Nəzarəti Dövlət Agentliyinin mütəxəssisləri tərəfindən qülləli kranın istismarı dayandırılıb və tikinti şirkətinin nümayəndəsinin iştirakı ilə kran sökülərək ərazidən çıxarılıb. Şirkət yiyəsinə müvafiq akt tərtib edilib.
