Bakının Nəsimi rayonunda narkotiklərin satışı ilə məşğul olan şəxslər saxlanılıblar. Bu haqda bu gün, 24 iyul tarixində Bakuplus.az Daxili İşlər Nazirliyinə (DİN) istinadən xəbər verir.
Polis əməkdaşlarının keçirdikləri tədbirlər nəticəsində rayon ərazisində narkotik vasitələrin dövriyyəsi və satışı ilə məşğul olan, əvvəllər narkotiklə bağlı cinayətlərə görə məhkum olunmuş 35 yaşlı Səbuhi Abasov və 24 yaşlı Vüqar İsmayılov saxlanılıblar.
Onlardan ümumilikdə 10 kiloqrama yaxın narkotik vasitə marixuana, heroin və metamfetamin aşkarlanıb.
Faktlarla bağlı cinayət işləri başlanılıb, araşdırmalar aparılır.
