Bakının Nəsimi rayonunda növbəti təmizlik-abadlıq işləri aparılıb. Bu haqda bu gün, 17 avqust tarixində Bakuplus.az rayon İcra Hakimiyyətinə (RİH) istinadən xəbər verir.
Rayon ərazisində keçirilən iməclik zamanı küçə və prospektlərdə, binaların girişində, dezinfeksiya və sanitar təmizlik işləri aparılıb.
Həmçinin kommunal xidmətləri tərəfindən parklarda abidələr, prospekt və küçələrdə, dayanacaqlarda bardürlər, eləcə də işıq dirəkləri, məhəccərlər, məişət tullantıları konteynerlərinin ətrafı yuyulub.
Əlavə olaraq ticarət obyektlərinin vitrinləri də yuyulub, ümumi sanitar-təmizlik işləri aparılıb.
Sözügedən işlər BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29 tədbirinin Azərbaycanda keçirilməsi ilə əlaqədardır.
[caption id="attachment_146381" align="alignnone" width="640"]
Foto Nəsimi rayonu İcra Hakimiyyəti[/caption]
