Bakıda yanğın baş verib. Bu haqda 23 sentyabr tarixində Bakuplus.az Fövqəladə Hallar Nazirliyinə istinadən xəbər verir.
Nəsimi rayonunda ümumi sahəsi 100 kv.m olan qapı-pəncərə sexi kimi fəaliyyət göstərən tikilidə yanğın baş verib. Tikilinin içərisində plastikdən ibarət qapı-pəncərə 6 kv.m sahədə yanıb. Yüksək temperaturdan lambirdən ibarət tavan 50 kv.m sahədə əriyib. Hadisə yerinə FHN-in briqadası cəlb olunub.
Tikilinin qalan hissəsi yanğından mühafizə olunub. Yanğın FHN-in mühafizə bölmələri tərəfindən söndürülüb.
