Narkotik alverinə qarşı mübarizə davam edir. Bu haqda bu gün, 14 iyun tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı narkotiklərin qanunsuz dövriyyəsini təşkil edən əvvəllər məhkum olunmuş 23 yaşlı Vəlixan Şirinov saxlanılıb. Onun üzərində və avtomobilində tərkibi psixotrop maddələrlə zənginləşdirilən 23 kiloqram marixuana aşkarlanıb.
V.Şirinov narkotik vasitəni İran vətəndaşı, Əhməd adlı şəxs vasitəsilə Qaradağ rayonu ərazisində gizlədilən yerdən ayrı-ayrı şəxslərə çatdırıb pul qazanmaq məqsədilə götürdüyünü bildirib.
Faktla bağlı cinayət işi açılıb. Araşdırmalar davam edir.
