Bakının Nizami rayonunda xəsarətlə nəticələnən yol qəzası baş verib. Bu haqda bu gün, 23 aprel tarixində Bakuplus.az Report-a istinadən xəbər verir.
Hadisə metronun “Qara Qarayev” stansiyasının yaxınlığında baş verib. 41 yaşlı Denis Çernişen yolu keçən zaman onu avtomobil vurub.
Yaralı təcili tibbi yardım briqadasının köməkliyi ilə xəstəxanaya çatdırılıb. Müayinə zamanı ona qapalı kəllə-beyin travması və baş-beyinin əziyi diaqnozları qoyulub.
Faktla bağlı araşdırma aparılır.
