Bakının Nizami rayonu ərazisində qrup şəklində narkotik vasitələri qəbul edən 4 nəfər saxlanılıb. Bu haqda bu gün, 12 oktyabr tarixində Daxili İşlər Nazirliyinin (DİN) mətbuat xidmətinə istinadən Bakuplus.az məlumat verir.
Bir müddət əvvəl sosial şəbəkələrdə yayılan videogörüntülərlə bağlı Nizami RPİ-nin 24-cü Polis Şöbəsi əməkdaşları araşdırma aparıblar. Keçirilmiş müvafiq tədbirlər nəticəsində 37 yaşlı Siyavuş Bayramovdan 2 qramdan çox heroin aşkar edilərək götürülüb. Onun barəsində cinayət işi açılıb.
Digər şəxslər: 41 yaşlı Rəsul Quliyev, 39 yaşlı Elxan Məmmədov, 46 yaşlı Rövşən Məmmədov barəsində İnzibati Xətalar Məcəlləsinin müvafiq maddəsi ilə toplanmış materiallar aidiyyəti üzrə rayon məhkəməsinə göndərilib.
[caption id="attachment_74356" align="alignnone" width="884"]
Foto DİN-in rəsmi Youtube kanalı[/caption]
