Bakının Nizami rayonunda oğurluqda şübhəli bilinən 2 nəfər saxlanılıb. Bu haqda bu gün, 19 avqust tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, paytaxt sakinin işlədiyi obyektdən 2000 manat dəyərində qızıl-zinət əşyaları oğurlanıb.
Polis əməkdaşlarının keçirdikləri tədbirlər nəticəsində əməli törətməkdə şübhəli bilinən əvvəllər narkotiklə əlaqəli cinayətlərə görə məhkum olunmuş P.Qaraşov və T.Abuşova saxlanılıblar.
Faktla bağlı araşdırma aparılır.
