Bakının Binəqədi rayonunda oğurluq törətməkdə şübhəli bilinən şəxs saxlanılıb. Bu haqda bu gün, 14 oktyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Novxanı qəsəbəsində tikintisi başa çatmamış evin həyətindən 1665 manat dəyərində elektrik naqilləri və dəmir dirəklər, Binəqədi qəsəbəsində yerləşən şirkətlərdən birinə məxsus ərazidən 420 metr naqil və 18 metr boru oğurlanıb.
Polis əməkdaşları tərəfindən aparılan əməliyyat-axtarış tədbirləri nəticəsində əməlləri törətməkdə şübhəli bilinən paytaxt sakini, əvvəllər də oğurluğa görə məhkum olunmuş Aydın Kərimov saxlanılıb.
Faktla bağlı araşdırma aparılır.
