Bakının müxtəlif ərazilərində mobil telefon oğurlamaqda şübhəli bilinən şəxslər saxlanılıblar. Bu haqda bu gün, 24 iyun tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Belə ki, iyunun 1-də Şıx çimərliyində bir qadının içərisində mobil telefonu olan çantasını oğurlamaqda şübhəli bilinən Sənan Zeynalov saxlanılıb.
Həmin rayonun digər ünvanında yerləşən marketlərin birində qadına məxsus mobil telefonu oğurlamaqda şübhəli bilinən 2 yeniyetmə saxlanılıb.
Daha iki oğurluq Nərimanov rayonunda törədilib. Avtoyuma məntəqəsində bir nəfərin 3500 manat dəyəri olan mobil telefonunu oğurlamaqda şübhəli bilinən əvvəllər məhkum olunmuş Ramel Səfərov saxlanılıb.
Həmçinin rayon ərazisində yerləşən kafedə bir nəfərin mobil telefonunu oğurlamaqda şübhəli bilinən Valeh Şıxəliyev və Orxan Xurşudlu saxlanılıblar.
Faktlarla bağlı araşdırmalar aparılır.
